El Correo Gallego

Noticia 1 de 1 Tecnoloxía

Super Mario chegará ao iPhone o 15 de decembro

O xogo Super Mario Run custará 9,99 euros

MARCUS FERNÁNDEZ  | 16.11.2016 
A- A+

En setembro sorprenderon anunciando que Mario tería finalmente un xogo oficial para iOS, aínda que non se trataría dun plataformas tradicional, senón que adoptaría a fórmula dos runners do mesmo xeito ao que acontece cos xogos de Rayman, e finalmente detallan as condicións de lanzamento de Super Mario Run, xogo que finalmente verá a luz o 15 de decembro para iPhone e iPad como descarga de balde, pero que precisará dun único pagamento de 9,99 euros para desbloquear o acceso ilimitado aos seus tres modos de xogo dispoñibles inicialmente.
Este xogo precisará de iOS 8.0 ou superior, lanzarase en 151 territorios da App Store e estará localizado ao inglés, xaponés, alemán, francés, español, portugués, italiano, neerlandés, ruso e chinés, buscando chegar así a case todo o mundo de vez, tentando así replicar o éxito que os xogos da saga de Super Mario teñen en consolas de videoxogos tradicionais.
Cómpre lembrar que o xogo chegará a iOS en primicia, non en exclusiva, ou sexa, que prevese que en 2017 tamén conte cunha versión para Android, o que sería un lanzamento moi interesante, para poder comparar o comportamento dos xogos de pagamento nas principais plataformas móbiles nun momento nos que se impuxo o modelo de negocio free-to-play.